前一站仔，翁開車出門，予騎oo-tóo-bái的oo-bá-sáng挵--著。oo-bá-sáng 小可撮傷，好佳哉無啥代誌。
經過二三禮拜的歇睏佮責任歸屬調查，調查結果oo-bá-sáng毋著較濟愛賠阮七成，阮賠oo-bá-sáng三成，
阮這爿有保險通處理對方的三成。雖罔是按呢講，嘛應該按呢來處理無毋著。
毋過對方是按呢講的，伊愛阮報出險來賠in修理oo-tóo-bái的修理費，人受傷的部分無欲佮阮計較，阮兜的車in無錢通予賠。
真正是天地顛倒反，氣死人。挵著車毋免賠，閣有錢通好趁，哪有遮爾好的代誌。
請先 登入 以發表留言。